遙距Body Scan - 惡性腫瘤

朱古力屋企人帶佢去沖涼嘅時候，幫佢沖涼嘅姐姐發現佢pat pat位有粒野，就叫屋企人快啲帶佢去睇醫生。但係由於嗰陣已經有啲夜，所以屋企人就搵咗我哋幫手先做遙距身體檢查，想喺睇醫生之前知道嗰粒係乜嘢嚟嘅。當其時都已經感覺到個粒野幾active，希望盡快帶朱古力去做一個詳細啲嘅檢驗，同埋都建議如果可以切嘅話就切咗佢好啲。過咗幾日，朱古力個報告終於出咗，醫生話係惡性腫瘤，仲好大機會已經擴散左，所以而家只好食住類固醇，睇定啲個情況點樣先再決定切唔切除😿

❗️關於動物治療癌症有乜嘢要注意嘅地方，喺我哋之前嘅動物平安鐘都有提及過啦，其實人同動物係醫治癌症方面嘅用藥係非常之相似，所以如果我哋要處理醫治緊癌症嘅動物排泄物嘅話，係需要戴上手套去保護自己唔會受到殘餘藥物嘅影響🧤如果動物身上面因為癌症而引起嘅皮膚潰瘍，就需要剃走傷口附近嘅毛，仲要勤力啲幫佢洗傷口🛁而喺飲食方面，盡量少食多餐，多食五色食物，而且要少啲碳水化合物，唔好比溫度太高嘅食物，室溫就最好啦🍎🍌🥕🍠🥬

希望以上嘅少少資訊都可以幫到有癌症毛孩嘅家庭，等人同動物都可以用一個正面嘅心態去對抗病魔。最好當然係可以痊癒啦，而選擇唔醫治嘅毛孩，亦都可以有一個比較舒適嘅方式去渡過踏入彩虹橋之前嘅日子。傳心急症室會喺呢度陪伴大家走過呢個艱難嘅日子，共勉之💕