<汪星人變火柴人>
- 2020年8月8日
- 讀畢需時 1 分鐘
已更新：2021年1月12日
當人病既時候，行唔到坐唔到企唔到，又要食藥但又冇胃口食野打底時，一定係變成火柴人!一擦即著!! 今次史立莎~莎豬一樣，燥仲唔止，係堅咬佢媽子。毛媽send嚟既傷口相，係深既。。。但佢一句「手係痛，但心仲痛」，即時有洋蔥味。
唯有盡能力去做治療，處理情緒同做傳心教育下佢咁樣對媽子係唔啱。從傳心中，發現莎豬係嫌毛媽長氣，話啲藥食完要休息，但之後又行過又問下我點?我想訓又訓唔到，又要畀反應。忍唔住咪咬佢!但精神上未想死住，係身體上攰啲，食完藥會好啲。
之後我教莎豬，如果你覺得媽子長氣，就揾個鼻頂一頂佢隻手，就知要畀你休息架喇~ 療程第二日，毛媽話佢冇咁燥，第三日話莎豬竟然行到去錫咗佢一下，毛媽開心到叫咗聲呀! 亦咁樣，反而令屋企另一位毛孩，亦開始正常生活返，冇再收埋自己喺床下底唔飲唔食。 估唔到咁就改變咗個能量場!
留言